† من يهرب من الضيقه يهرب من الله †
 
الرئيسيةالرئيسية  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخول  
 لدخول الشات برجاء الضغط هنا أو من رابط الشات أسفل المنتدي
  ...........  سيخرجونكم من المجامع بل تاتي ساعة فيها يظن كل من يقتلكم انه يقدم خدمة لله  . يو ( 16-2 )
  ...........
† ...........  إن كنا نتألم معه لكي نتمجد أيضا معه  رو( 8: 18 )   ...........
For I consider that the sufferings of this present time are not worthy to be compared
with the glory which shall be revealed in us. (Rom. 8: 18)

شاطر | 
 

 اسكتش التقدير والعرفان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
batot
نائب المدير العام
نائب المدير العام


عدد المساهمات : 13
نقاط : 10603
السٌّمعَة : 2
تاريخ التسجيل : 19/03/2011

بطاقة الشخصية
ava-bavly:

مُساهمةموضوع: اسكتش التقدير والعرفان   الأحد يونيو 19, 2011 8:21 pm

اسكتش التقدير والعرفان


*
يدخل ولد و بنت في ثانوي رافعين يُفط مكتوب عليها (أنا عاوز حد يقول لي شكرا) و (أنا عاوزه حد يحبني))
جي جي : الله ..... هما راحوا فين ؟
جورج : أكيد حسوا بالمظاهرة اللي احنا عاملينها .... عشان كده مشيوا ........ ماما .. يا ماما.....
جي جي : لا يا شيخ ... قصدك إنهم هيخافوا مننا يعني ... أنت الموضوع وسع معاك قوي .. (ينزلوا اليفط و يخلوها في إيديهم )
جورج : وسع و الا ماوسعش ...... المهم إننا نوصل لهم صوتنا .... و نفضفض عن اللي جوانا
جي جي : يعني فكرك فيه أمل لسه ؟
جورج (بصوت جهوري وخطابي ) : لا يأس مع الحياة ..... و لاحياة مع اليأس
تدخل الأم : ماشاء الله عليكوا ........... سايبين مذاكرتكم وواقفين هنا بتعملوا ايه ؟... بتقولوا خطب ؟
جي جي : إحنا عاوزين نكلمكم في موضوع مهم يا ماما ... هو بابا فين ؟
الأم : بيلبس و نازل .... وسعوا خلوني أروح أعمل له الشاي
جوروج : بابا مش هينزل النهاردة يا ماما
يدخل الأب فجأةَ : يعني ايه يا ولد مش هنزل .... انت هتحبسني و الا ايه ؟ ... إيه التهريج ده ؟
جورج ( يقفز مخضوضاً من مكانه ويقول مرتبكاً ) : انا ...أنا مقصدتش يا بابا
جي جي : (تكمل كلامه ) : جورج يقصد يا بابا ... إن احنا عاوزين نكلمك في موضوع مهم قبل ما تنزل
الأب : و الموضوع ده يستاهل تعطلوني عشانه ؟ ...
جورج : متهيألي يابابا حضرتك خارج تقعد ع القهوة ... يعني مش هنعطلك عن حاجه مهمه قوي
الأب : القهوة اللي أنا بروحها عشان أرفه عن نفسي شوية .... بعد ما بطفح الدم عشانكوا طول اليوم ... أيه حرام يعني أشم نفسي شوية .؟
جي جي : و احنا برضه يا بابا عاوزين نشم نَفَسنا شوية ... و نتكلم معاكوا
الأب (يجلس علي كرسي و تجلس الأم بجانبه ) : ماشي ... أدي قعده .... اتفضلي يا أنسة يا غلباوية .... عايزة ايه ؟
(
يرفع الاتنين اليفط ليقرأها الأب و الأم )
الأم (تقرأ) : أنا عاوزه حد يحبني .(تخبط علي صدرها).... إيه قلة الأدب دي يا بت ؟؟ .... و بتقوليها كده في وشنا .... أدي أخرة الفرجه ع الدِش والكلام الفارغ طول اليوم.... شوف بنتك بتقول ايه ؟
الأب : لأ و ايه الباشا أخوها كمان عاوز حد يشكره .... يشكرك علي ايه يافالح ... ع المذاكرة اللي مقطعه بعضها ؟ .... و الا علي أدبك و أخلاقك و انت بترد علي أبوك و أمك ؟
جورج : إدونا فرصه نتكلم .... و نشرح لكم
جي جي : اسمعونا لو سمحتم .... نبوس ايديكم اسمعونا
الأب : اتفضلوا ... قولوا .... اشرحوا ... أدينا قاعدين
جي جي : أنا بروح المدرسة و الدروس ألاقي المدرسين بيشكروا فيَّ و في شطارتي و اخلاقي و أدبي .... و لما أروح الكنيسة القادة دايماً بيشجعوني و يحسسوني إن أنا ليَّ قيمة كبيرة و أصحابي كمان بيحبوني قوي ... بآجي البيت هنا ما بلاقيش حاجه من كل ده ... كله أوامر و زعيق و شخط ... و يا ويلي لو فيه حاجة قصرت فيها رغم إني بعمل حاجات كتير كويسة برضه (صوتها مختنق بالبكاء )
جورج : ده نفس احساسي أنا كمان ... محدش هنا بيقول لي كلمة حلوة و لا كلمة تشجيع.. كأني إنسان آلي معنديش مشاعر و لامحتاج حد يقول لي شكراً .... و يقدرني زي ما الناس بتقدرني و تشجعني بره البيت
(
الأب و الأم مبلمين و مبرقين )
جي جي :احنا نفسنا نسمع الكلام ده منكم إنتوا حتى لو مفيش حد تاني هيقولهولنا
جورج : أيوة ... لأن الحياة كده ماتنفعش ... أنا خلاص مش طايق أقعد في البيت .
الأب : خلاص .... خلصتوا الكلام اللي عندكم ؟
جي جي : أيوة يا بابا .... هو ده الكلام اللي نفسنا نقوله من زمان .... زعلتوا مننا ؟
الأب : لأ ما زعلناش و لا حاجه ... (بتريقة) و دي تيجي برضه ؟ .... مفيش أي مشاكل ..... عاوزني أشكركم ... أوكي ... هأزود علي مسئولياتي غير إني أأكلكم و أشربكم و أكسيكم و أجيب لكم فلوس للدروس و كروت الشحن و مش عارف ايه ... و في أخر كل يوم ها أبقي أسمعكم وصلة شكر و تشجيع.
الأم : عندك حق ياخويا ..... أدي إللي ناقص كمان ... و هو احنا يعني كان حد بيشكرنا و لا بيفتكرنا حتى ... دا أنا طول اليوم من الطبيخ للغسيل للتنضيف ... ومحدش حتي بيجيب لنفسه كوباية مية ....
جي جي : (تقاطعها ) احنا عارفين الكلام ده كله ... و سمعناه منكم كتير قبل كده ... مش معقولة كل مانكلمكم تروحوا مكررين نفس الكلام .
الأب : و مش معقولة ليه ... هو انتوا بس اللي محتاجين حد يقدركم و يشجعكوا و احنا لأ؟ .. حاسبوا نفسكم زي ما بتحاسبونا ... حد فيكم بيحس بالتعب اللي احنا بنتعبه عشانكم ... حد فيكم فكر مرة الفلوس اللي بتحتاجوها دي بتيجي ازاي ؟ ... انتوا فاكريني بطفش من البيت و أروح أقعد مع أصحابي ع القهوة ليه ؟ ما هو انا برضه محدش بيقدرني ولا بأعرف أتبسط في البيت ده.
الأم : بالراحة يا أخويا علي نفسك... عاجبكوا كده.......تضايقونا وتنكدوا علينا .هي ناقصاكوا يعني؟؟
جورج: مش قصدنا ..صدقوني مش قصدنا ...احنا بنحبكوا قوي...ومقدرين تعبكوا وكل اللي بتعملوه عشانا
الأمSadتقاطعه) محبة ايه دي اللي أنت بتتكلم عليها؟؟ هي فين المحبة والتقدير ده؟؟ دا كلام بس لما تبقوا محتاجين حاجة.
جي جي: يا ماما مش معني اننا مختلفين في الرأي اننا مبنحبكمش....بس الكلام اللي احنا قلناه هوه فعلا اللي احنا حاسين بيه.
الأب: يعني م الآخر كده عاوزين ايه؟؟
يرفع جورج وجي جي اليفط تاني أمام الأب والأم ويقولان معا: هوه ده اللي احنا عاوزينه
الأب : يعني أنتوا مصرين علي رأيكوا لسه؟؟
جي جي وجورج: أيوه ..مصرين
يأخذ الأب الأم إلي الخارج وهو يقول: طييييييب....تعالي يا ماما
جورج وجي جي معا: أنتوا سايبينا ورايحين علي فين؟؟
يعود الأب والأم سريعا إلي المسرح وهما ماسكين يُفط في ايديهم (لكن لم يرفعوها بعد)
الأب: اشمعني انتوا يعني ليكوا طلبات ...احنا كمان عاوزين الناس تسمع صوتنا
(
ثم يرفع الأب والأم اليُفط معا ) واحدة مكتوب عليها "أنا عاوز حد يحس بيّ" والثانية مكتوب عليها "أنا عاوزة حد يقدّر تعبي".
يلتفت الأربعة إلي الجمهور ويقولون بصوت واحد: شوفوا لنا أنتوا بقي الحل


صلوا من اجلى
الرجوع الى أعلى الصفحة اذهب الى الأسفل
 
اسكتش التقدير والعرفان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الأنبا بولا ava-bavly :: المنتدي العام :: المنتدي العام-
انتقل الى:  

††  كن مطمئناً جداً جداً ولا تفكر في الأمر كثيراً بل دع الأمر لمن بيده الأمر   ††

++ نورت منتدانا أنت الزائر رقم ++